ಒಂದೊಂದ್ ಹಣ್ಣೆಲೆ ಉದ್ರಿದಾಗ್ಲೆಲ್ಲ
 ಬೀಜ ಮೊಳೀತದೇನೋ 
ಅಂತ ನೆಲ ನೋಡ್ತಿದ್ದೆ . 
ಹೊಲ ಏನೋ ಹಸನಾಗೇ ಇದೆ. 
ಅಲ್ಲಿ ಇಲ್ಲಿ ಸ್ವಲ್ಪ ಮಟ್ಟಿಗೆ ಕಳೇನೂ ಬೆಳೆದಿದೆ. 
ಬೀಜ ಬಿತ್ತಿದ್ದರೆ ತಾನೇ. 
ಬೀಜ ಬಿತ್ತೋಕೆ ಸಮಯಾನೂ ಇಲ್ಲ,
ಮನಸ್ಸೂ ಇಲ್ಲ. 
ಯಾವತ್ತೋ ಬಿತ್ತಿದ ಬೀಜ 
ಇನ್ನೂ ಅಲ್ಲೇ ಇರ್ತದೆ ಅಂತೀಯಾ 
ಬೇರೆಯವ್ರ ಹೊಲಗದ್ದೆ ನಳನಳಿಸ್ತಾ ಇದೆ. 
ಯಾರೋ ಕೋಟ್ಯಾಧೀಶ ಆದ್ರೆ 
ನಿನ್ಗೇನ್ ಹೊಟ್ಟೆಉರಿ. 
ಹೆತ್ತೋರಿಗಷ್ಟೇಗೊತ್ತು, 
ಹೆರಿಗೆಸಂಕಟ.
 ನೋಡೋರಿಗೇನು?
 ಹೊಲಸನಾಲ್ಗೆ 
ಏನೇನೋ ಬಾಚತ್ತೆ