ಬರೆ ಬೂದಿಯಾಗೋ
ದೇಹ್ದ್ಮೇಲೆ ಯಾಕಿಷ್ಟೋಂದ್ ಪ್ರೀತಿ, 
ಹೆಣ್ಣುಮಣ್ಣು ಆಸ್ತಿಪಾಸ್ತಿ ಮೇಲುಕೀಳು 

ಯಾಕೀ ತಾರತಮ್ಯ

ಹುಟ್ದೌನ್ ಗುರಿ 

ಸಾವಂತ್ಗೊತ್ತಿದ್ರೂ ಈರೀತಿ, 

ಯಾವನ್ಯಾವನ್ ಯಾವ್ಯಾವ್ರೀತಿ 

ಸಾಯ್ತಾನಂತ ಯಾರಿಗಾದ್ರೂ ಗೊತ್ತಾ, 

 ಸಾವನ್ನೋದು ಯಾವಾಗ್ಬತ್ತದೆ  ಅಂತ 

ತಿಳ್ಕಂಡೌನೇ ಜಾಣ,
ಹುಟ್ದಾಗಿಂದ ಸಾಯೋವರ್ಗೀ 

ಜೀವ್ನಾನ್ನೀ ಚನ್ನಾಗ್ಮಾಡೋಜಾಣ,
ಹುಟ್ಟುಸಾವ್ನ ಈ ಆಟ್ದೊಳ್ಗೆ 

ಪ್ರಾಣಾನೇ ನಮ್ದೇವ್ರು , 

ಮೂರೇಮೂರು ನಾಳದೊಳ್ಗೆ 

ದ್ಯಾವ್ರು ಸಂಚಾರಹೊಂಟಾಂತಂದ್ರೆ 

ನೀನೇ ಆ ಸಿವನಾಗ್ತಿ ಅಂತ 

ಗುರು ಸೀನಪ್ಪ ಹೇಳವ್ನೆ. 

ಜೀವ ಸಿವ ಆಗೋಗ್ಬೇಕು 

ಅದೇಕಣಾ ಜೀವ್ನ 

ಅದನ್ಬಿಟ್ಟು ಮಿಕ್ಕಿದ್ದೆಲ್ಲ 

ಬರೇಬೂದಿಕಣ.   

ಗುರ್ವಿನ್ಮಾತು 

ಶಿರ್ದಾಗಿಟ್ಕೊಂಡ್ಕಲಿಯವ್ನೇ ಜಾಣ 

ಇಲ್ದಿದ್ರೆ ಆಗ್ತೀಯ 

ನೀ ಮಾರಮ್ನಕೋಣ.