*ಓಶೋ ಮಾತುಗಳ ಆಧರಿಸಿ ರಚಿಸಿದ್ದು*

·       ದುಃಖ ಮರೆಮಾಚಿಕೊಳ್ಳಲು ಕೆಲವರು

ಬಾರಿಗೆ ಹೋದರೆ, ಕೆಲವರು ಮಂದಿರಕ್ಕೆ ಹೋಗುತ್ತಾರೆ.

ಧರ್ಮಕ್ಕಿಂತ ದೊಡ್ಡ ಷರಾಬು ಬೇರೊಂದಿಲ್ಲ !

·       ನಾನುವಿನ ಅಬ್ಬರದಲಿ

ನೀನು ಕಳೆದುಹೋದೆ,

ನಿನ್ನ ಹುಡುಕಾಟದಲ್ಲಿ

ನಾನು ಕರಗಿಹೋದೆ,

ಎಲ್ಲಾ ನೀನೇ ಆಗಿದ್ದೆ!

·       ಚಿತ್ತಸರೋವರದಲ್ಲಿ

ಉಬ್ಬರವಿಳಿತ ಇದ್ದೇ ಇದೆ.

ಶಾಂತವಾಗುವ ದಾರಿ ಅಗೋಚರ!

·       ನಿನ್ನ ಹಿಂದೆ

ನಾನು ಬಂದಾಗ

ಬೆಳಕು

ಎಂದು ಗುರು ಹೇಳಿದಾಗ

ನಾನು

ಅರ್ಥಮಾಡಿಕೊಳ್ಳಲಿಲ್ಲ!

ನಿನ್ನ

ಹಿಂಬಲಿಸಲಿಲ್ಲ!

ಬೆಳಕು

ಕಾಣಲಿಲ್ಲ!

·       ಸುಮ್ಮನಿರು

ಸುಮ್ಮನೆ ಇರು ಎಂದು 

ಗುರು ಹೇಳಿದಾಗ

ಕೈ,ಕಾಲು ಆಡಿಸದೆ ಕುಳಿತೆ,

ಬಾಯಿ ಮುಚ್ಚಿ ಕುಳಿತೆ,

ಮನದೊಳಗಿನ ಮಾತು-ಕ್ರಿಯೆ

ನಿಲ್ಲಿಸಲೇ ಇಲ್ಲ ,

ನಾನು

ಸುಮ್ಮನಾಗಲೇ ಇಲ್ಲ

ನಾನು

ಸುಮ್ಮನಾದರೆ

ನೀನು

ಕಾಣಬಹುದು

ಎಂದ ಗುರುವಿನ ಮಾತು

ನಾನು

ಅರಿಯಲಿಲ್ಲ

೨೦೧೭